இலங்கையின் மொத்த அரச பாடசாலைகளின் எண்ணிக்கை கடந்த மூன்று ஆண்டுகளில் ஒரு சிறிய வீழ்ச்சியைப் பதிவு செய்துள்ளது.2023 ஆம் ஆண்டில் 10,096 ஆக இருந்த பாடசாலைகளின் எண்ணிக்கை, 2024 இல் 10,076 ஆகவும், 2025 ஆம் ஆண்டு தரவுகளின்படி 10,047 ஆகவும் குறைந்துள்ளது.இது 2023 முதல் 2025 வரையான காலப்பகுதியில் சுமார் 0.49 சதவீத ஒட்டுமொத்த வீழ்ச்சியாகும்.தொகைமதிப்பு மற்றும் புள்ளிவிபரத் திணைக்களம் வெளியிட்டுள்ள புள்ளிவிபர அறிக்கைகளின் (2023-2025) தரவுகளின் அடிப்படையில், கடந்த மூன்று ஆண்டுகளில் அரச பாடசாலைகளின் கட்டமைப்பில் ஏற்பட்டுள்ள மாற்றங்கள் தொடர்பில் அறிந்து கொள்ள முடிந்தது.மத்திய அரசாங்கத்தினால் நிர்வகிக்கப்படும் தேசிய பாடசாலைகளின் எண்ணிக்கை கடந்த மூன்று ஆண்டுகளாக 396 (3.9 வீதம்) என்ற அளவில் எவ்வித மாற்றமுமின்றி நிலையாகக் காணப்படுகிறது.மாகாண சபைகளினால் நிர்வகிக்கப்படும் பாடசாலைகளின் எண்ணிக்கையில் தொடர்ச்சியான சரிவு ஏற்பட்டுள்ளது. 2023 இல் 9,700 (96.1 வீதம்) ஆக இருந்த இவை, 2024 இல் 9,680 ஆகவும், 2025 இல் 9,651 ஆகவும் குறைந்துள்ளன. இது சுமார் 0.51 சதவீத வீழ்ச்சியாகும்.1ஏபி பாடசாலைகள் (உயர்தரத்தில் விஞ்ஞானப் பிரிவு உள்ளவை)இந்த வகை பாடசாலைகளில் சாதகமான வளர்ச்சி பதிவாகியுள்ளது. 2023 இல் 988 (9.8 வீதம்) ஆக இருந்த 1ஏபி பாடசாலைகள், 2024 மற்றும் 2025 ஆகிய ஆண்டுகளில் 1,009 (10.0 வீதம்) ஆக அதிகரித்துள்ளன. இது சுமார் 2.13 சதவீத வளர்ச்சியாகும்.1சி பாடசாலைகள்: 2023 இல் 1,975 ஆக இருந்த இவை 2025 இல் 1,962 ஆகக் குறைந்துள்ளன.வகை 2 மற்றும் வகை 3 பாடசாலைகள்: தரம் 11 வரை மற்றும் தரம் 5 வரையான பாடசாலைகளின் எண்ணிக்கையில் வீழ்ச்சி காணப்படுகிறது.குறிப்பாக தரம் 1-5 வரையுள்ள ஆரம்பப் பாடசாலைகள் (வகை 3) 2023 இல் 3,860 இலிருந்து 2025 இல் 3,832 ஆகக் குறைந்துள்ளன.மாணவர் எண்ணிக்கையின் அடிப்படையில் பாடசாலைகளின் அளவு பாடசாலைகளின் மாணவர் சனத்தொகையில் ஏற்பட்டுள்ள மாற்றம் மிகவும் முக்கியமானது.1-50 மாணவர்கள் கொண்ட பாடசாலைகள்: மிகக் குறைந்த மாணவர்களைக் கொண்ட பாடசாலைகளின் எண்ணிக்கை கணிசமாக அதிகரித்துள்ளது. 2023 இல் 1,506 (14.9 வீதம்) ஆக இருந்த இப்பாடசாலைகள், 2025 இல் 1,645 (16.4 வீதம்) ஆக அதிகரித்துள்ளன. இது சுமார் 9.23 சதவீத குறிப்பிடத்தக்க அதிகரிப்பாகும்.4,000 க்கும் மேற்பட்ட மாணவர்கள் கொண்ட பாடசாலைகள்: மிக அதிக மாணவர்களைக் கொண்ட பாடசாலைகளின் எண்ணிக்கை 2023 இல் 33 ஆக இருந்து, 2024 இல் 36 ஆக உயர்ந்து, மீண்டும் 2025 இல் 33 என்ற நிலையை அடைந்துள்ளது.மொழி மூல அடிப்படையில் பாடசாலைகள்சிங்கள மொழி மூலம் மட்டும்: இப்பாடசாலைகளின் எண்ணிக்கை 2023 இல் 6,247 இலிருந்து 2025 இல் 6,157 ஆகக் குறைந்துள்ளது.தமிழ் மொழி மூலம் மட்டும்: தமிழ் மொழி மூலப் பாடசாலைகளும் 3,011 இலிருந்து 2,977 ஆகக் குறைந்துள்ளன.இருமொழி மற்றும் மும்மொழிப் பாடசாலைகள்: சிங்களம் மற்றும் ஆங்கிலம் பயிற்றுவிக்கும் பாடசாலைகள் 581 இலிருந்து 630 ஆக 8.4 சதவீத வளர்ச்சியைப் பதிவு செய்துள்ளன.அதேபோல் மும்மொழிப் பாடசாலைகளும் 35 இலிருந்து 40 ஆக அதிகரித்துள்ளன.இலங்கையில் ஒட்டுமொத்த பாடசாலைகளின் எண்ணிக்கை சரிவடைந்து வரும் நிலையில், உயர்தர விஞ்ஞானப் பாடப்பிரிவுகளைக் கொண்ட பாடசாலைகள் மற்றும் ஆங்கில மொழி மூலக் கல்வியை வழங்கும் பாடசாலைகளின் எண்ணிக்கையில் ஒரு சீரான வளர்ச்சி காணப்படுகிறது.அதேநேரம், 50 க்கும் குறைவான மாணவர்களைக் கொண்ட சிறிய பாடசாலைகளின் எண்ணிக்கை அதிகரித்து வருவது ஒரு முக்கிய மாற்றமாக அவதானிக்கப்படுகிறது.
இலங்கையில் இரண்டு ஆண்டுகளில் 47 பாடசாலைகள் மூடப்பட்டுள்ளதா? – காரணம் என்ன?
